سر وطريقة للحصول على شعر طويل وناعم

سر وطريقة للحصول على شعر طويل وناعم

--------------------------------------------------------------------------------

السلام عليكم ورحمة الله وبركاته

بإسمه تعالى

اليوم بعطيكم سري الي من وراااه حصلت على شعر طويل ناعم وجذااااااااب
و الزيت المستخدم حتى ذوات الشعر الدهني ممكن يستخدمونه "بتكلم بهالخصوص في الموضوع فتابعوني"

*** *** *** *** *** *** ***

طريقتي عبارة عن كذا خطوة لازم تتبعونها عشان تحصلون على شعر جذاااب
وهذي من واقع تجربتي الشخصية ......،،....... أنا عانيت من شعري بعد ماصبغته وللأسف ماهتميت فيه
وهذا الكلام من سنين ومن بعدها شعري انعدم...قصيته وحشيته ومافاد وكنت ازيته بس كانت نتايج عادية بس بطريقتي اخيرا خلصت من المشكلة وشعري ماشاء الله راااااااااائع والكل ينهبل عليه والله يا بنات من عنايتي بشعري الكل يحسبني اني استشوره وانا ماقرب السشوار الا ناااااادرا وهو اصلا مايحتااج والحمدلله

طريقة #رومانسية# لشعر طويل وناعم يساعدج بعد على الحصول على شعر بأطراف صحية وغير مقصفة

الخطووة الاولى:

تجهيز الشعر والادوات الي نحتاجها هي:

مشط .(لتقسيم الشعر )

.كلبات (عضاضات) تقريباً 6 او 7

طريقة التجهيز هي كالتالي

بالمشط وبنسب متساوية قسمي شعرج لقسمين

والحين نمسك كل جزء لحاله ونقسمه الى ثلاث او اربع اقسام (على حسب كثافة الشعر) أنا تقريبا استخدم اربع ... التقسيم يكون عن طريق المشط

بعد مانقسم نستخدم الكلبات ونرفع كل جزء من الشعر لحاله بكلب واحد أوكي؟؟

الخطوة الثانية:

الزيت.... بعطيكم نوعين للزيوت الي بتستخدمونهم عشان اذا ماحصلتوا الاول تحصلون الثاني

الزيت الاول: زيت خطير بكل ماتحمله الكلمة من معنى لتطويل الشعر...ريحته عادية وموقوية أبد
وصناعته سعودية وصاحبات الشعر الدهني ممكن يستخدمونه بدون مايحاتون الزيت الاكسترا بشعرهم .....

للاسف ماقدرت اصوره لكم لكن بشرحه لكم شرح وافي

الزيت اسمه (زيت احلام) تصنعه شركة النحاس

لون العلبة أصفرررر وعليه صورة شعر....بتلاقون منه اثنين ...اثنينهم لون علبتهم صفرة ونفس الاسم بس بتلاحظون في شي مختلف الي هو السعرر

ذو السعر الاقل لازم تحطونه 5ساعات والاغلى ساعتين بس

بنات السعودية وقطر انا اؤكد لكم انكم بتحصلونه ان شاااء الله وانا شخصيا دورته بالبحرين وللأسف موموجود وهالكلام بالصيف يمكن جابوه الحين ويمكن لاء!!! باقي الدول للاسف ماعرف

الحين اذا ماحصلتووووه لاتزعلوووون لاني عندي لكم الحل وماراح اطلق عليه البديل لانه حل فعال جدا ((وانا انصح بيها اكثر لذوات الشعر العادي المايل للجفاف وللشعر الجاف التالف المقصف))
الزيت الثاني هو مزيج من عدة زيوووت اولهم واهمهم زيت دابر املا>>>ادري بتقولون الريحة

بس انا عندي لكم الحل لاتخافون

جيبوا علبة بلاستيكية او غرشة زجاجية وحطوا فيها الزيت

... بعدها جيبوا زيت براشوت جوز الهند ماغيره واضيفوه له عشان يخفف الريحة

او زيت فاتيكا Vatika

زيت دابر أملا مكون من مواد طبيعية تطول الشعر تغذيه وتنعمه وتعطيه ملمس مثل الحرير وزيت فاتيكا وبراشوت يمنحونه النعومة ايضاً

الخطوة الثالثة:

فكي جزء واحد من شعرج المرفوع وحطي فيه الزيت من الجذور لحتى الاطراااااف ولما تخلصين حطي باللي بعده لين ماتخلصين

الخطووة الاخيرة: مهمة جداً

هالخطوة كثير منا غافلين عنها او مانهتم فيهاااا الي هي مساج فروة الراس

هذي الخطوة كثير مهمة يابنات وربي انها خلت شعري يطول بفترة زمنية قصيرة جدا جدا جدا وانا كنت قاصة شعري وبعدها بشهرين ربيعتي شافتني وقلت لها شرايج بقصتي وماصدقت اني قصيته مع اني قصيته واااااايد

والطريقة سهلة حيل وهي انج تغلغلين اصابعج بين شعرج وتضغطين على فروة راسج بحركات دائرية ..... لمدة 5 دقائق او اكثر

انا كنت اخلي شغالتنا تسويها وصدقوني بتحصلون متعه من هالحركة وراااااحة فضيعة

السؤال الحين ليش المساج؟؟؟ والجواب هو لتهيئة الرأس بتحريك الدورة الدموية فتسهل نقل الاغذية والماء حتى اطراف الشعر بشكل فعال ومع وجود الزيت النتجية بتطلع احلى واحلى

للحصول على النتايج المرجوة انصح بوضع الزيت يوم ورا يوم وبالنسبة لزيت احلام يجب وضعه كل يوم بالنسبة للاسبوع الاول وبعدها مرتين بالاسبوع ....... صدقوني يا بنات النتايج تستهال كل هذا الشغل وترا لاتشوفون الموضوع طويل هالشغلة ممتعة وماتاخذ من وقتكم اكثر من 20دقيقة من البداية للنهاية

انا احط الزيت من 4 ساعات وطالع

خطوة اختياريه:

هالخطوة حلوووة بس ما الزمكم فيها لاني ماكنت اسويها على طول الا وهي تعجيف الشعر
والي بتسويه انصحها تسويه ارنوبه ...يعني اثنين منهم

ملاحظة مهمة: تقسيم الشعر هدفه ان يتشبع الشعر بالزيت وان جميع اجزاء الشعر تاخذ حقها من الزيت وهذي طريقة هندية ..... يمكن بتتعبون وانتوا تغسلون شعروكم بس النتيجة تسوى التعب

.